തിരകഥാ സമരം

പ്രശസ്തരെ കാണുന്നതും,  അവരോടു  സംസാരിക്കുന്നതും
ഒരിക്കലും ജീവിതത്തില്‍ ഒരു അസാമാന്യ സംഭവമായി  എനിക്ക് തോന്നിയിട്ടില്ല .
പക്ഷെ മഹാന്മാരെ  കാണുവാനും  ..അവരോടു രണ്ടു വാക്ക്  സംസാരിക്കാനും  എന്നും കൊതിക്കുന്ന  ഒരു  സാധാരണക്കാരനാണ്  ഞാന്‍ .

 
മഹാനായ  എഴുത്തുകാരന്‍  MT സാറിനെ  കാണാന്‍ തന്നെയാണ് ...കഴിഞ്ഞ ദിവസം ഷാര്‍ജയിലെ  പുസ്തകൊല്സവത്തിനു
പോയത് . അദ്ധേഹത്തെ കണ്ടു , കേട്ടു.  മനസ്സിലെ ഒരു ചോദ്യം ചോദിക്കുവാന്‍ ഉള്ള  ഊഴം കാത്തിരുന്നു ..

ചോദ്യം തേടി  മൈക്  പലരിലേക്കും  പറന്നു .... ആ മൈകില്‍   സാധാരണക്കാരന്  ആയുസ്സ് മുഴുവന്‍  ട്യുഷന്  പോയാലും
മനസ്സിലാകാത്ത തരത്തില്‍   കുറെ ബുദ്ധിജീവി  ചോദ്യങ്ങള്‍ പിറന്നു ...അതിനെല്ലാം  MT സര്‍  വളരെ ലളിതമായ  ഉത്തരങ്ങള്‍ നല്‍കി ...ആ ഉത്തരങ്ങള്‍  കേട്ടപ്പോള്‍  ആണ്  ചോദ്യത്തിന്റെ അര്‍ഥം  മനസ്സിലായത്‌ .
ഒടുവില്‍  മൈക്  എന്റെ മുന്നിലേക്ക്‌ വന്നു ...പക്ഷെ വരുന്ന വഴിയില്‍  ജോണ്ടി റോഡ്സിനെ  കൊതിപ്പിക്കുന്ന  വേഗതയില്‍
ഒരു സുഹൃത്ത്‌  ഡൈവ് ചെയ്തു മൈക്  സ്വന്തമാക്കി ... എനിക്ക്  ചോദിക്കാനുള്ള ചോദ്യം  ആ സുഹൃത്ത്‌ ചോദിച്ചു

എല്ലാ സാധാരണക്കാരനും,  അഭിനവ  ബുദ്ധിജീവികളും  അറിയാന്‍ ആഗ്രഹിക്കുന്ന  ചോദ്യം , MT  സര്‍  താങ്കളുടെ അടുത്ത തിരകഥ  ഇനി എന്നാണു മലയാളിക്ക് ലഭിക്കുക്ക ? മറുപടി  ഉടന്‍ വന്നു " നിലവില്‍  ഞാന്‍ തിരകഥകള്‍  ഒന്നും എഴുതുന്നില്ല ...വാര്‍ത്തകള്‍ പലതും   വരുന്നുണ്ട്  പക്ഷെ എനിക്ക് ഒന്നും അറിയില്ല! ഒന്നും പറയാനും ആഗ്രഹിക്കുന്നില്ല "
ഉത്തരം കേട്ട ഉടനെ ചങ്ക് പിടഞ്ഞു ...ഭീമനും, ദുര്യോധനനും,  പാഞ്ചാലിയും, ഭീഷ്മരും ഒക്കെ ആയി മെഗാ താരങ്ങള്‍
മേയ്ക്ക്അപ്പ്  ഇട്ട്   തിരകഥയ്ക്കായ്    ...രണ്ടാം ഊഴം കാത്തു നില്‍ക്കുന്ന   രംഗം മനസ്സില്‍  വന്നു ... അതല്ലേ ഏറ്റവും വലിയ പ്രതിസന്ധി ? നല്ല ഒരു തിരകഥയ്ക്കായ്  സമരം ചെയ്യാന്‍ ഒക്കില്ലല്ലോ !